Sinopsis Novel Bahasa Jawa

" PRAU GETHEK NYEBRANG JALADRI"

Soekirman lair ing desa Tualang,Perbaungan,Serdang Bedagai,Sumatera Utara. Asma Bapakipun Soekirman inggih menika Pak Subardilan , pakaryanipun inggih menika  tani lan laku dagang woh-wohan, asma ibunipun bu Isayaah. Simbah buyut Soekirman asli saking Parakan,Temanggung Jawa Tengah, asmanipun Mbah Sajiman lan Mbah buyut putri saking Blora inggih menika Mbah Halimah. Simbahipun Soekirman inggih menika Mbah Jusuf lan mbah putrinipun mbah Absah. Nalika Soekirman taksih alit antawisipun taun 1958 Bapakipun Soekirman seda,lajeng Soekirman dipunrawat dening Budhe Sanikem lan Pakdhe Ngadimin. Lajeng Ibunipun Soekirman pindhah dhateng desa Pagar Jati,Lubuk Pakam. Ing desa Pagar Jati Soekirman dipunsekolahaken ing Sekolah rakyat ngantos dumugi tahun 1962.

Pakdhe Ngadimin menika njabat ketua RT ing desa Pagar Jati lan mucal tiyang-tiyang desa maos lan nulis ingkang langkung dipunkenal istilahipun PBH (Pemberantasan Buta Huruf), amargi mucalipun pakdhe menika wonten ing dalemipun piyambak,dadosipun Soekirman tumut sinau sanajan dereng sekolah. Dadosipun nalika mlebet SR Soekirman sampun pinter maos lan nulis. 

Wiwit alit Soekirman sampun dipundidik supados saged nandangi Pakaryan menapa kemawon. Desa Pagar jati menika wonten ing pinggiripun margi kang dados jalur utama Sumatera,kitha kecamatan Lubuk Pakam tebihipun kirang langkung 4 Km saking desanipun . Nalika SMP , Soekirman bidhal mantuk sekolah menika mlampah ananging kadhang-kadhang menika nitih pit onthel. Nalika mangsa ketiga Soekirman asring nandur tomat,jagung,sorgum, Lombok lan sayuran. Pengalaman ingkang boten saged dipunlalekaken inggih menika nalika Soekirman kekancan kaliyan tiyang Batak,saengga Soekirman menika saged basa Batak.Soekirman menika bocah ingkang sregep ngaji,Sholat, taraweh saha ngayahi pakaryan kangge kebutuhan Sosial kemasarakatanwonten ing desanipun. 

Soekirman asring pikantuk dongeng saking Pakdhenipun nalika taksih alit. Soekirman menika nyuwun pirsa dhateng pakdhenipun babagan sejarahipun tiyang Jawi saged dugi ing tlatah Serdang Begadai. Lajeng pakdhe Ngadimin cariyos babagan sejarahipun supados anak putu saged mangertos  sejarah ingkang sampun kalampahan. Kirang langkung taun 1900 Mbah Sajiman lan Mbah Halimah bidhal saking Tanjung Cina Semarang boten langsung tumuju Deli,ananging mandhap riyen wonten ing Singapura rumiyin,kekalihipun dagang panganan nganti 2 taun. Salajengipun simbah buyut nyabrang nuju Tanah Deli nyusul paklik ingkang sampun ngumbara langkung riyen. Taun 1904 simbah buyut pindhah dhateng Perbaungan,Kesultanan Serdang, ing taun menika ugi simbahipun Soekirman lair, inggih menika mbah Jusuf lair ing desa Tualang.Asal mulanipun sami ngumbara dhateng Sumatera utawi Tanah Deli menika boten jelas, kinten-kinten menika kangge ngrubah nasib.

Soekirman mbangun bali wisma (bebrayan) nalika umur 27 taun, tanggal 14 Maret 1982. Nalika semanten Soekirman sampun makrya wonten ing USU kanthi jabatan Asisten Dosen pangkatipun Gol II/b ing Fakultas Pertanian USU, Soekirman nggih nyambi mucal ing STM Pertanian Lubuk Pakam. Garwanipun Soekirman menika Marliah,bidan ing Puskesmas Pagar Jati, gadhah putra 5. Pendawa Lima, putranipun Soekirman lan Marliah sampun nate dipunruwat ngagem tata cara adat Jawa tanggal 14 Maret 2007. Putra kang pembajeng anama Searca Agung Nugraha, Nomer kalih Panji Septocahyo,Ketiga Dimas Triadji, kaping sekawan Dipa Wicaksono,lan ragilipun Prasetyo Feldafing. 

Soekirman lan ibu boten kendhat anggenipun nyukanisesorah supados putra-putranipun njagi sopan santun dhateng tiyang ingkang langkung sepuh,piwulang agama uga dipunwucalaken marang putra-putranipun, saliyanipun kluwarga menika uga mentingaken pirembugan. Budaya ingkang diwulangaken inggih menika unggah-ungguh ,ngajeni tiyang sanes,boten sewiyah-wiyah marang tiyang alit,lan boten pareng dumeh.

Soekirman menika uga tumut sanau non-gelarkang ilmunipun saged kangge jawab tantangan wonten ing masarakat sadina-dinanipun. Kursus ingkang nate dipuntumuti inggih menika AMDAL,Perencanaan partisipatif,perencanaan pembangunan,pertanian organic,leadership pedesaan lan community development.Soekirman langkung remen kaliyan Ilmu Sejarah ,Bahasa Indonesia utawis IPS.

Kanthi lembaga menika Soekirman bebas nyukani gagasan-gagasan pembangunan Partisipatif kangge ngrembakaken Swadaya Masa aka ting padesan. Dherek organisasi menika ugi dipunlampahi dening Soekirman kangge nambah pengalaman lan idealism kepemimpinan. Taun 1980 sasampunipun angsal gelar BSc ing babagan pertanian, Soekirman dados pegawe Negri Sipil , posisinipun dados asisten dosen. Taun 1983 namataken S1 lan golonganipun mindhak dados III/a,lajeng dipunangkat dados dosen Mekanisasi Pertenian.Piyambakipun ugi nyambi dados konsultan pembangunan pabrik gula ing SUMUT jabatanipun site engineer.Ing njaban kampus sareng kaliyan anak-anak pecinta alam ngedegaken pakumpulan kangge ngembangaken swadaya warga masarakatdesa Bintarni ing taun 1980 lan taun 1986 dipungantos dados Yayasan Bitra Indonesia.Piyambakipun ugi aktif ing Organisasi tarap nasionalsaengga kepilih dados Presidium WALHI Nasional 1983-1989,pengurus Sekretariat Bina Desa Jakarta 1990-1996.

Garwanipun Soekirman ingkang keturunan Suku Batak menika ndadosaken Soekirman lan kluwarga tumut wonten adicara adat Batak,ingkang langkung becik malih piwulang-piwulang lan budaya jawa ingkang sae saged dipungabungaken kaliyan nilai Sumatera ingkang dinamis lan ditrepaken ing urip bebrayan.Soekirman menika salah satunggaling tiyang ingkang aktif wonten ing Pujakesuma, inggih menika organisasi warga Jawa ingkang ngumbara wonten ing Sumatera. Soekirman inggih asring tetuwi ing Kraton Surakarta kangge Silaturahmi lan sinau tradisi leluhur, dangu-dangu Soekirman langkung remen dhateng budaya gagrak Surakarta kang nglimputi babagan sejarah estetsi lan filosofi. Usahanipun kangge mujudaken Propinsi Daerah Istimewa Surakarta ,Soekarmin tumut ngusulaken Sinuwun Paku Buwana X dados pahlawan Nasional. Tanggal 16 Mei 2011,dina senen Soekirman lan garwanipun tetuwi ing Yogyakarta,sebanjuripun tetirah marang asal-usul leluhuripun ing desa Bagelan Purworejo. Soekirman lan garwanipun pancen keturunan asli Jawa.

Griya kagunganipun Joyokusumo katelah Ndalem Joyokusuman,Griya kagunganipun Soekirman uga saged dipunwastani Ndalem Kirmanan. Saderengipun manggen wonten ndalem menika kluwarga Soekirman kedah  purun Lara Lapa Tapa Brata. Innamal usri’usra. Ing suwalikipun kasusahan mesthi wonten kesenengan. Kangge gadhahi hak milik mbetahaken wekdal kang dawa. Kayat unen-unen sedikit demi sedikit lama-lama menjadi bukit. Saking tabungan ingkang boten sepinten menika Pak kirman lan bu Kirman nyelengi nganthi gemi nastiti. Syukur Alhamdulillah taun 2000 omah kontrakan menika dados hak milik kluwarga Soekirman. Dinten minggu tanggal  5 Juni 2011 watara tabuh 14.00 Soekirman ngadani pagelaran wayang purwa kanthi lakom "Wahyu Cakraningrat " . Pengiringipun saking paguyuban Seni Suko Budoyo. Srampungipun pagelaran para niyaga sami rerembagan babagan seluk beluk sejarahipun budaya Jawa. Jawa punika panggenanipun raos. Mula wonten kang ngarani Jawa Jiwa Kang Kajawi.Budaya abangan condhong marang mistik,olah raos,adat,tradisi,barang-barang kuno,cagar budaya,lan tilaran sejarah. Menawa ditilik saking perspektif sosio linguistik, nami Soekirman jelasipun asli jawa. Su = Endah, Kirman=Pakaryan. Ancasipun supados kang ngagem asma menika saged nglampahaken pakaryan kanthi ati kang endah lan pungkasanipun pikantuk asil kang endah. Wonten ing sadinten-dintenipun Soekirman sregep nindakaken syariat wiwit saking rukun Islam , sedayanipun sampun ditindakaken kanthi jangkep lan sampurna.Ananging,Soekirman sakluwarga boten nate nilaraken babagan ritual lan tradisi.